Diwrnod 124: Gweddïo dros fentrau gweddïo ac astudio’r Beibl (1997)

Diwrnod 124 o 150 Diwrnod o Weddi.

• 'Yr Arglwydd wnaeth ein helpu – Crëwr y nefoedd a'r ddaear' (Salm 124:8).

1997

Yn 1997, dechreuodd yr Uwchgapteniaid Andy a Gwen Cox ddwy fenter gweddïo yn Adran De a Chanolbarth Cymru. Parhawyd hefyd gyda menter flaenorol. 

Tîm Gweddïo Adrannol 

Roedd hyn yn agored i unrhyw berson â chyswllt gyda Byddin yr Iachawdwriaeth yng Nghymru. Seiliwyd ar Actau 4:24, ‘Ar ôl clywed yr hanes, dyma nhw’n gweddïo gyda’i gilydd’. Gan ddefnyddio cydweddiad ffurfiant tîm pêl-droed, cafodd ei alw’n 4-2-4 ac roedd y darlleniad yn Actau 4:23-31 yn gallu cael ei rannu’n amddiffyniad, canol cae, ymosodiad a chanlyniad. 

Roedd y rheini a oedd yn rhan o 4-2-4 yn derbyn ceisiadau gweddi. Gallai unrhyw un gysylltu gyda chais gweddi a gofyn am weddi benodol. Bob hyn a hyn, byddent yn cwrdd fel adran am gyfnod o gefnogaeth a chydweddïo.

Boreau Gweddi’r Pencadlys Adrannol 

Agorwyd y pencadlys am 7 o’r gloch ar foreau Mawrth i unrhyw un a oedd eisiau gweddïo. Yn bennaf, pobl leol i’r pencadlys oedd yn mynychu ond daeth yn rhan reolaidd o’r rhaglen adrannol yng Nghymru.

Diwrnodau Adrannol i Astudio’r Beibl 

Cafodd y rhain eu sefydlu ddim yn hir cyn inni gyrraedd gan swyddog ieuenctid yr adran ac roedd yn nodwedd arbennig. Penderfynwyd ar Sadwrn yn ystod yr haf a lleoliad penodol er mwyn cynnal yr astudiaeth o’r Beibl. Rydym yn cofio’r astudiaethau yn cael eu cynnal yn Rhydaman, Gorllewin Cymru, Castell Raglan yn y Canolbarth ac yng Nghwm Rhondda. Roedd y diwrnod bob tro yn gorffen gyda barbeciw a chyfeillach gyda’n gilydd.

Gweddi

• Diolchwch i Dduw am atebion i weddi ac am y rheini sy’n cael eu harfogi a’u hannog trwy fynychu astudiaethau Beiblaidd.