Diwrnod 4: Gwaith timau estyn allan ar y strydoedd (1877)

Diwrnod 4 o 150 Diwrnod o Weddi.

• ‘Deallwch fod yr Arglwydd yn cadw’r rhai ffyddlon iddo’i hun! Mae’r Arglwydd yn clywed pan dw i’n galw arno’ (Salm 4:3).

1877

‘Wrth arwain gwasanaeth awyr agored un nos Sul ar un o’r strydoedd gwaethaf yn y dref (Caerdydd) daeth grŵp o buteiniaid tlawd i wrando arnom a dechrau wylo dagrau hallt. Gwnaeth un ohonynt ein dilyn yn ôl i’r neuadd. Yna, cyffesodd ei phechodau a derbyn ei Gwaredwr i’w bywyd. Y noson ganlynol cynhalion ni wasanaeth yn arbennig ar eu cyfer. Llwyddon ni i gael tair ohonynt i mewn i dŷ dros dro yn LLANDAF, ond doedden ni ddim mor ffodus gyda’r gweddill. Y cyfan roedden ni’n gallu gwneud oedd gweddïo drostynt a’u hanfon allan i fyd oer.’   

(The Christian Mission Magazine)

Gweddi

• Gweddïwch dros y timau sy’n gwneud gwaith estyn allan ar y strydoedd ar draws Cymru, beth bynnag eu henwad neu sefydliad.
• Gweddïwch dros y rheini sy’n byw neu sy’n gweithio ar y strydoedd, y bydd rhywun yno i’w helpu pan fydd angen cymorth arnynt.